Категорија: Германија 03.08.2019 22:57
Првото дерби помеѓу лутите ривали Борусија и Баерн му припадна на тимот од Дортмунд. Вечерва на Сигнал Идуна Парк, „милионерите“ со 2-0 ги совладаа „баварците“ во Суперкупот на Германија.
Првото полувреме донесе возбудлив фудбал со шанси на двете страни но мрежите мируваа. Сепак резултатот беше отворен веќе на стартот на вториот дел.
Санчо му асистираше на Алкасер, кој од врвот на шеснаесетникот прецизно биеше по земја за 1-0. Победата беше осигурана во 69. минута, кога Санчо повлече една контра, тргна сам да завршува и низ нозете на Нојер ја затресе мрежата за 2-0.