Категорија: Германија 12.08.2019 19:38
Баерн Минхен преговара со Барселона за ангажман на Филипе Кутињо, а Германците посакуваат да го доведат Бразилецот во своите редови како позајмен фудбалер, дополнително и да имаат опција да го откупат неговиот договор со Каталонците, пренесува „РАЦ1“.
Кутињо има неизвесна иднина во дресот на Барселона, од поодамна се наведува како фудбалер кој е на излезна врата од „Камп Ноу“, па дури и се споменуваше дека Каталонците сакале да го искористат во понудата за Нејмар од ПСЖ.
Бразилецот се пресели на „Камп Ноу“ во јануари ланската година, а неговиот тогашен трансфер од Ливерпул изнесуваше цели 160 милиони евра, меѓутоа извесно е дека Каталонците сега сакаат да се ослободат од неговите услуги а воедно и да се ослободат од „вишокот“ во својот состав.
ПСЖ исто така се споменуваше како клуб кој е сериозно заинтересиран за услугите на Кутињо, меѓутоа извесно е дека освен Иван Перишиќ, Баерн Минхен ќе доведе уште едно звучно засилување во својот состав.