Динамо Загреб тргна со водство на гостувањето кај Ференцварош во Унгарија во реванш пресметката од третото квалификациско коло за место во групите од Лигата на шампионите, а токму нашиот репрезентативец Аријан Адеми беше фудбалерот кој донесе водство за „Модрите“.

Адеми мошне вешто реагираше во казнениот простор на домаќините во 16. минута откако доби употреблива топка и биеше во манир на расен стрелец во голот на противникот за почетно водство за хрватскиот првак.

Во првата пресметка помеѓу овие две екипи резултатот беше израмнет и гласеше 1-1, а со моменталниот резултат Динамо Загреб продолжува во плејоф рундата од квалификациите.