Категорија: Шпанија 19.08.2019 21:13
Винисиус Жуниор беше стартер во победата на Реал Мадрид кај Селта во воведното коло од Примера кое се одигра викендов, во кое тимот на Зинедин Зидан тргна убедливо со победа од 1-3.
Иако не постигна гол во победата, токму младиот Бразилец бил фудбалерот кој добил најмногу пофалби за својата игра на теренот од страна на францускиот фудбалски стратег кој играше со Винисиус се’ до 69. минута кога реши да го повлече од игра, а до тој момент резултатот беше 0-2 во корист на Реал Мадрид.
„Марка“ пишува дека Зидан бил посебно импресиониран од играта на Винисиус која имала и дефанзивни задачи, а со тоа во голема мера му помогнал на својот сонародник Марсело по левата страна.
Познато е дека големото засилување Еден Азар ќе отсуствува неколку седмици од терените поради повреда, па така тоа е шанса за Винисиус да добие минута повеќе на натпреварите за Реал Мадрид.