Во првите две кола од Премиерлигата, Манчестер јунајтед имаше два пенали, првиот го реализираше Рашфорд, вториот го промаши Погба.

Пеналот на Погба крена многу реакции. Тоа беше неговото четврто промашување на пенал за 12 месеци, но и покрај тоа се одлучи да шутира, игнорирајќи го фактот што Рашфорд погоди против Челси.

Солскјер по мечот се правдаше дека остава Рашфорд и Погба да се договорат кој ќе шутра пенал, но тоа наиде на лавина критики.

Тренерот е тој кој треба да одлучи кој ќе шутира пенал, така би се избегнале сите недоразбирања.

Според англиските медиуми, по случајот кај Волвс, Солскјер одлучил Рашфорд да биде првиот изведувач на пенали и тоа им го соопштил на фудбалероте.

Два бода се загубени, но отсега не би требало да има дилеми околу изведувачот на пенали, Маркус Рашфорд ќе биде првиот пеналџија на Манчестер јунајтед.