Категорија: Италија 16.09.2019 12:12
Белгиецот пред две недели беше мета на расистички навреди на гостувањето кај Каљари, инцидент кој одново ја разбранува италијанската јавност. Ромелу Лукаку сега одново е во центарот на вниманието, и еден новинар доби отказ за своите коментари кои всушност се расистички.
Искусниот Лучано Пасирани во емисијата Топ Калчо 24 објаснуваше колку е добар напаѓачот, го фалаше, но сето тоа падна во вода коа на крајот рече дека единствен начин за да биде сопрен е да му се фрлат 10 банани.
„Лукаку е едно од најдобрите засилувања на Интер, тешко дека можеа да направат подобра зделка. Не гледам играч од негов калибар во било којдруг клуб од Италија. Тој е еден од најсилните, ми се допаѓа многу поради силата која ја поседува. Тој е брат близнак на Дуван Запата од Аталанта. Двајцата имаат нешто екстра што останатите го немаат, постигнуваат голови и го влечат тимот напред. Овие момци ве убиваат кога се еден на еден, ако се обидете да им се спротивставите ќе ве залепат на подот“ – изјави искусниот новинар, но погреши со последната реченица.
„Единствен начин да го сопрете Лукаку е да му фрлите да јаде 10 банани...“
Неколку часа по ваквата контроверзна изјава пристигна вест дека Лучано Пасирани добил отказ и повеќе нема да се појавува во емисијата.