Кралскиот клуб беше во криза, но оваа победа на тешкото гостувањет кај Севиља може да ги промени работите.

Пред да влезе во денешниот меч, Реал Мадрид последен пат ја имаше победено Севиља на нејзин терен дури пред четири години, во 2015 година.

Реал Мадрид беше подобар противник, создаде повеќе шанси и на крајот заслужено победи, Севиља не упати ниту еден удар во рамките од голот на Куртоа кој по долго време успеа да ја сочува својата мрежа.

Клучниот момент се случи во 64. минута кога по центаршут на Карвахал, Бензема погоди со глава за победа на Реал Мадрид од 1-0.

Со овие три бода Реал Мадрид се искачи на второто место на табелата со 11 бода колку што има и лидерот Атлетик Билбао со подобра гол разлика.