Договорот на Ибрахимовиќ со ЛА Галакси истекува во декември по што тој ќе стане слободен фудбалер.

Се верува дека Ибрахимовиќ би можел да се врати во Серија А каде што веќе играше за Јувентус, Интер и Милан. А Наполи е загреан за негов ангажман.

„Пред се тој е мој пријател“, вели Де Лаурентиис за „ТВ Луна“.

„Го запознав не како фудбалер туку како нормална личност во Лос Анџелес бидејќи престојувавме во истиот хотел и поминавме неколку исклучително добри денови заедно“.

„Го поканив на вечера со неговата сопруга и неговите многу културни деца, имавме неверојатна вечер заедно“.

„Кога го гледате на теренот тој е друга личност, но сосема поинаков е надвор од него“.

„Моја желба е тој да дојде во Наполи, но зависи од него, не од мене. Се си има своја логика“.