Тиквеш немаше сили за изненадување на реванш пресметката со Ренова, откако Кавадарчани најпрво на домашен терен загубија со 0-2, а денеска на терен на противникот ремизираа со резултат 1-1.

Токму Тиквеш беше екипата која прва поведе на мечот во Тетово, и тоа со голот на Илиески во 22. минута, а со таа минимална предност Кавадарчани заминаа на паузата.

Сепак, во 85. минута Адеми израмни на 1-1 и ја сруши сета надеж кај гостите за изненадување во реваншот.

Досегашни екипи кои веќе од претходно обезбедија место во четфртфиналето се Брегалница, Лабуништа, Академија Пандев, Работнички, Шкендија, Шкупи и Струга Трим и Лум.

Фото-вест: K.F. Renova (Facebook)