Ибрахиовиќ заврши со настапи во МЛС лигата, се шпекулираше дека тој ќе се врати во Европа, а според првиот човек на лигата во САД, работата е завршена, Милан е неговиот нов клуб.

„Златан е интересен карактер, потребни ви се вакви фудбалери, каков што беше и Бекам пред неколку години. Тој има 38 години и сега ќе оди во Милан, еден од најважните клубови во светот. За две години тој ги сруши речиси сите рекорди со голови. Се надевав дека ќе остане, но среќен сум што го имавме тука, ги сакам моментите со него, особено кога зборува во трето лице“, изјави претседателот на МЛС, Дон Грабер.

Се уште нема официјална информација дека Ибрахимовиќ е нов фудбалер на Милан. Останува наскоро да дознаеме дали тврдењето на Грабер е вистинито.