30 годишниот Eшли Смит во затвор ќе лежи 10 години поради обидот да ги ограби Месут Озил и Сеад Колашинац и да замине со плен вреден околу 200.000 фунти. Денеска во Лондон беше изречена пресуда за инцидентот кој се случи во јули месец.

Вториот напаѓач, 26 годишниот Џордан Нортовер исто така призна вина, но неговата казна ќе биде дополнително одредена.

Судијата објасни дека Ешли Смит бил криминалц добро познат на полицијата. Тој заедно со Џордан Нортовер најпрво украле мопед, а потоа со кацики на главата и темна облека за да го затскријат идентитетот, од заседа ги нападнале фудбалерите на Арсенал со ножеви. Сепак тие не го предвиделе храбриот потег на Сеад Колашинац кој скокна да се тепа со нив и воопшто не се исплаши.