Горан Пандев беше стартер на мечот, Македонецот како капитен на Џенова одигра многу солиден меч. На теренот се задржа до 80. минута кога со овации беше поздравен од Сан Паоло, навивачите не го забораваат својот поранешен фудбалер.

Пандев одлигра одлично, имаше неколку обиди за погодок но не успеа да реализира.

За разлика од Пандев, Елиф Елмас од клупата го почна мечот. Нашиот репрезентативец во игра влезе во 66. минута, па заедно со својот капитен од селекцијата на теренот беше околу 16 минути, а потоа остана сам наш претставник на овој меч.

Елмас можеби ја имаше и шансата на мечот, во финишот од мечот биеше со глава, но милиметри недостасуваа топката да отиде зад линијата, Раду со фантастична интервенција го одбрани својот гол.

Џенова може да биде задоволна од овој резултат кој значи продлабочување на кризата на Наполи.

Фотографијата е од обидот на Елмас, сантиметри не достасуваа нашиот фудбалер да го даде првиот официјален гол за Наполи.