Категорија: Италија 10.11.2019 22:46
Поради актуелната форма на двете екипи Јувентус влезе како сериозен фаворит во дуелот со Милан и ја оствари целта, дојде до трите бода.
Но Јувентус не одигра на нивото кое се очекуваше, впечаток е дека Милан не заслужи да го загуби ова дерби.
Натпреварот не изобилуваше со шанси, но борбеноста не изостана. И двете екипи имаа свои можности за погодок, а натпреварот беше решен во финишот.
Во 55. минута Дибала влезе во игра на местото од Кристијано Роналдо и тој беше клучен за победата.
Единствениот гол падна во 77. минута кога по додавање од Игуаин, Дибала мајсторски ги помина дефанзивците на Милан и ја затресе мрежата на Донарума за голема победа.
По овој триумф Јувентус се врати на првото место на табелата каде има бод повеќе од Интер.