„Според „Газета дело Спорт“, Антонио Конте добивал серија на закани, а последно било писмо во кое имало и куршум.

Вакви закани во минатото добивале и италијански политичари.

Истрагата е отворена, а на Конте му е определана и полициска заштита надвор од неговиот дом и тренинг кампот на Интер.

Иако веројатно се работи за лоша и опасна шега без вистински намери за убиство, властите во Италија сериозно му приоѓаат на случајот.

Откако стана тренер на Интер, Конте често е мета на навреди од навивачите на Јувентус бидејќи беше нивна легенда, а сега го води најголемиот ривал.