Категорија: Англија 27.11.2019 09:43
Се очекува Унаи Емери наскоро да добие отказ, а Арсенал да назначи нов тренер. Неколку имиња се поврзуваа со топчиите во изминатите денови, Макс Алегри, Микел Артета, па дури и Маурисио Покетино.
Но последните вести велат дека раководството го преферира тренерот на Волвс, Нуно Еспирито Санто.
Директорот на Арсенал, Раул Санлехи е близок со агентот на Санто, Жорж Мендеш и смета дека тоа ќе му помогне зделката да се реализира.
Фановите на Арсенал не се задоволни од ваквата информација, повеќето од нив сметаат дека тоа е уште еден просечен тренер кој е добар, но за клубови кои немаат највисоки амбиции.
Нуно Еспирито Санто досега водел четири клуба, Рио Аве, Валенсија, Порто и Волвс, па нејасно е како би ја менаџирал соблекувалната на клуб од нивото на Арсенал, дали би успеал да воспостави авторитет врз ѕвездите во тимот.
Проблем за негов ангажман е и тоа што тој се уште е тренер на Волвс.