Категорија: Лига на Шампиони 27.11.2019 23:55
Интер со 3-1 ја победи Славија во Прага и истана во живот за пласман во осминафиналето од Лигата на шампионите.
„Фудбалерите напредуваа заедно и споредено со нашиот прв меч со Славија Прага, повеќе личевме на тим. Бев лут по тие 1-1 на домашен терен, но овој пат знаевме што да очекуваме и бевме добро подготвени“, изјави Антонио Конте.
„Напаѓачите беа одлучувачки денеска, многу сум среќен со нив. Тие се бореа физички со играчите на Славија, а тоа ни беше проблем минатиот пат“.
Ако Борусија Дортмунд ја совлада Славија Прага што е реално, Интер ќе мора да ја победи Барселона за да оди во осминафинале.
„Прво треба да се фокусираме на мечевите со СПАЛ и Рома, а потоа со Барселона. Денеска требаше да победиме за да останеме во живот, го направивме тоа. Против Барселона ќе биде тежок меч, но ќе можеме да сметаме и на 70.000 луѓе кои ќе ни даваат поддршка на тој меч“.
„Задоволни сме, сакавме да останеме во живот и сами да си ја кроиме судбината во последниот меч“.