23 годишниот Александер Нибел се сели на Алианц Арена, Баерн Минхен денеска ја официјализираше соработката со голманот на Шалке. Младиот Германец ќе го облече дресот на „баварците“ по крајот на сезоната откако ќе ги одработи последните месеци од договорот со „рударите“.

Баерн Минхен за без пари ќе го донесе Александер Нибел во своите редови, зделка која очигледно е предобра да се пропушти и покрај тоа што трансферот прави тензија во соблекувалната.

ℹ️ Der #FCBayern verpflichtet Alexander Nübel zur Saison 2020/21.

— FC Bayern München (@FCBayern) January 4, 2020

Сегашниот прв чувар на мрежата, Мануел Нојер се налутил кога дознал што му биле ветено на неговиот помлад колега. Александер Нибел добил гаранции за одредена минутажа, односно дека ќе му биде отстапено местото помеѓу стативите на одреден број натпревари во сезоната ( треба да брани на најмалку 15 меча).

Мануел Нојер не сака да ја дели минутажата, а не му се допаднал и манирот на кој лидерите на клубот ги воделе преговорите. Тој не бил запознаен со плановите на Салихамиџиќ и останатите директори, и деталите ги дознал во последен момент, откако Баерн си подал рака со Александер Нибел.