Категорија: Англија 10.01.2020 14:11
Јирген Клоп попладнево се појави на прес конференција во пресрет на утрешното гостувањето кај Тотнем. Германецот беше прилично релаксиран, имаше пофални зборови но и провокации за Жозе Мурињо а и ги збуни новинарите со прашање за тоа на која позиција играл Португалецот.
„Беше голман?“ – праша Германецот, а откако никој од присутните не понуди одговор, Јирген Клоп нареди: „Брзо, проверете на гугл!“. Се замеша и портпаролот на Ливерпул кој рече, „Немаме време за вакви работи“, но тренерот инситираше, „Имам време... Барајте на гугл“.
"Sorry Jose!"
— This Is Anfield (@thisisanfield) January 10, 2020
pic.twitter.com/mTGyzpgqx9
„Специјалниот“ во својата кратка кариера како фудбалер играл во средниот ред, а голман бил неговиот татко, Феликс Мурињо.
„Жозе Мурињо е тренер од светска класа со многу специфичен начин на размислување“ – продолжи Јирген Клоп. „Секогаш сака да победи, и го почитувам многу. Не сакам да креирам наслови, но не паметам натпревар против него во последните две-три години кога сум помислил, „Му благодарам на Бог што тој е тренер а не некој друг“. Прави напори неговиот тим да го извади најдоброто од секоја ситуација“.
За тоа што очекува од Тотнем, Клоп вели: „Ќе се сретнеме со добро организиран тим кој посебен фокус ќе стави на одбраната и контрите. Не можеме да бидеме 100% сигурни како ќе одиграат, но имаме одредена идија. Мораме да претпоставиме дека Мурињо ќе го повтори рецептот од времето кога беше во Манчестер јунајтед и како тогаш ни се спротивставуваше. Секако нема да биде буквално исто бидејќи сега на располагање има друг тип на играчи“.