Топката не се тркала на фудбалските терени поради коронавирусот, па тоа им создава проблеми на клубовите. Приходите се стопирани, и тоа значи помали или никакви финансии за платите на фудбалерите, но и на уште неколку стотици други вработени.

Претседателот на Фудбалската федерација на Шпаннија, Луис Рубиалес на клубовите им понуди решение без да се избрзува со продолжување на сезоната, односно да биде подигне кредит од 500 милиони евра, за кој како гаранција ќе бидат ставени ТВ правата.

Но ова само придонесе за нова војна со првиот човек на Ла Лига. Хавиер Тебас веднаш му возврати дека решението кое го предлека е невозможно и му посочи со кој член од правилниот е забрането ова.

„Благодарност од ФФШ за понудата до Ла Лига за „кредит од 500 милиони евра за кој како гаранција ќе бидат ставени ТВ правата, но тоа е НЕВОЗМОЖНО. Прочитајте што пишува во клаузулата 1а од Кралскиот декрет 5/2015 за продажбата на ТВ права“ – гласеше пораката на Твитер.

Според оваа клаузула, ТВ правата можат да се користат како гаранција само за плаќање на долгови и обврски кон државата.

Gracias @rfef por vuestro ofrecimiento a @LaLiga de un "crédito 500M€ con la garantía de los derechos de TV", pero os ha vuelto a pasar como con las pólizas de seguro en una pandemia, ES IMPOSIBLE. Leed la disposición adicional 1a del RD 5/2015 de venta centralizada de TV. pic.twitter.com/77gy6DUndi

— Javier Tebas Medrano (@Tebasjavier) March 25, 2020