Францускиот првак ПСЖ ќе му понуди нов договор на Нејмар вреден фантастични 38 милиони евра по сезона, а истиот би имал важност до 2025. година, Бразилецот според тој договор би заработувал над три милиони евра на месечна основа.

Според известувањата на „Диарио Спорт“, се вели дека спортскиот директор на ПСЖ, Леонардо сака да стави крај на сите шпекулации кои неговиот сонародник го поврзуваат со враќање во редовите на Барселона, од каде дојде во француската престолнина.

Новиот договор би го донел Бразилецот поблиску од било кога до двајцата фудбалери во светот кои заработуваат повеќе од него, Лионел Меси од Барселона, односно Кристијано Роналдо од Јувентус.

Актуелниот договор на Нејмар со ПСЖ истекува во 2022. година, а според истиот 28 годишниот фудбалер заработува околу 2,7 милиони евра од сезона.