24фудбал

Артур пресекол, не сака во Јувентус без разлика каква е понудата

Голем број на извори пренесуваат дека Артур Мело ги ивестил Јувентус и Барселона дека нема намера да ја промени средината, Бразилецот останува на Камп Ноу.

Италија

Јувентус го побара Артур Мело како дел од трансферот на Миралем Пјаниќ и изминативе денови имаше гласини дека фудбалерот е привлечен од идејата да се пресели во Торино.

Сепак, попладнево неколку извори пренесуваат дека Бразилецот ги известил Јувентус и Барселона дека нема намера да ја промени средината.

Мундо Депортиво пишува дека таткото на Артур во неделата разговарал со Фабио Паратичи (спортскиот директор на Јувентус), му се заблагодарил за интересот, го известил дека единствена желба на неговиот син е да продолжи на Камп Ноу и дека нема да се предомисли без разлика каква е понудата на „старата дама“.

Таткото и братот на Артур потоа се сретнале со Ерик Абидал и Рамон Планес, ги брифирале директорите на Барса за разговорот со Јувентус и уште еднаш ја потврдиле намерата на фудбалерот да продолжи да го носи дресот на „каталонците“.

Останува да се види дали Барселона и Јувентус сега ќе најдат нова формула, се верува дека Миралем Пјаниќ веќе има кажано да за преселба на Камп Ноу и чека само двата клуба да си подадат рака.