Категорија: Англија 01.08.2020 20:45
Лондонското дерби за трофејот од ФА Купот му припадна на Арсенал, оваа победа значи и пласман во Лига Европа за тимот на Микел Артета.
Ова беше 14. трофеј за Арсенал во ФА Купот, никој нема освоено повеќе трофеи од нив во ова натпреварување.
Микел Артета е првиот човек кој го освил ФА Купот со Арсенал и како капитен и како тренер.
Челси имаше одличен старт на мечот, по само пет минути игра Пулишиќ даде гол за водство од 1-0.
Во 28. минута Обамејанг избори пенал и реализираше од белата точка за израмнување на резултатот на 1-1.
По дваесетина минути игра во второто полувреме Обамејанг постигнува уште еден гол за комплетен пресврт и водство на Арсенал од 2-1.
Работите за Челси станаа уште потешки кога во 73. минута Ковачиќ престрого доби втор жолт картон и беше исклучен од игра.
За жал натпреварот изобилуваше и со повреди и на двете страни.