Категорија: Лига на Шампиони 14.08.2020 23:14
Барселона претрпе исторски пораз откако вечерва загуби со 2-8 од Баерн Минхен во четвртфиналето од Лигата на шампиони. Веројатно на сите им е јасно дека на „каталонците“ им требаат големи промени, а тоа го порача и Жерард Пике.
„Ова е срамота, го допревме дното. Катастрофален натпревар. Не може да играме вака, особено не во Лигата на шампиони. Не е прв пат, втор пат или трет пат да ни се случува ова. Се надевам дека ќе научиме нешто. Потребни се промени, и не зборувам само за тренерот или играчите, потребно се промени од врвот... потребна е смена од раководството, па до играчите и тренерот. Еве јас прв се нудам да заминам доколку дојде свежа крв“ – изјави дефанзивецот.
„Не знам дали ова е крај на еден циклус, едноставно го допревме дното и мора да има промени на сите позиции, не само на играчкиот кадар“.