Категорија: Англија 16.09.2020 13:14
Мурињо е фан на Герет Бејл, Португалецот призна дека сакал да го донесе во Реал Мадрид кога тој бил тренер таму, а го сакаше и додека беше во Манчестер јунајтед.
На денешниот прес Португалецот не сакаше многу да зборува за можноста да го добие Бејл во Тотнем.
„Герет Бејл е фудбалер на Реал Мадрид. Не коментирам за играчи на други клубови. Не можам да коментирам. Не е моја работа да имам контакти со агенти. Не сакам да коментирам за тоа“, беше одговорот на Мурињо, но прашањата за оваа тема не запираа.
Тој беше запрашан дали би сакал да го има Бејл во својот состав: „Не коментирам за хипотетички работи. Тој е фудбалер на Реал Мадрид и треба да го почитувам тоа“.
„Се обидов да го донесам во Реал Мадрид додека бев таму, но тогаш беше невозможно. Но претседателот го следеше мојот инстикт и моето знаење па го купи по моето заминување“.
„Не е тајна дека имам високо мислење за Бејл, мислам дека и самиот Герет го знае тоа“.