Ренова го заврши настапот во Европа за оваа сезона откако во Скопје беше поразена од Хајдук со 1-0.

Тетовскиот тим изгледаше уплашено на стартот од мечот, тоа ја чинеше примен погодок уште во четвртата минута кога Цакташ погоди со глава за водство на Хајдук од 1-0.

Како одминуваше натпреварот Ренова се стабилизираше, тетовскиот тим особено во вториот дел ја имаше иницијативата и главно се играше на половината на Хајдук.

Хрватскиот тим се повлече и преку контра напади ја бараше шансата за втор погодок.

Во една таква игра и двете екипи имаа свои шанси за гол, но втор погодок на натпреварот немаше.

Хајдук слави пласман во следното коло каде ќе игра со победникот од дуелот меѓу Нефчи Баку и Галатасарај. Ренова може да се фокусира на домашните обврски.