Категорија: Македонија 22.10.2018 09:58
Шкендија го доби дербито со Вардар откако на терен на ривалот славеше со 0-2, но, првиот гол затетовските црвено-црни беше доста дискутабилен и донесе големи реакции во редовите на домаќинот, се постави прашањето дали топката ја мина гол линијата.
Голманот на Вардар, Филип Гачевски тврди дека голот на Шкендија за 0-1, со кој се отвори мечот на резултатски план, е нерегуларен, тој дури и тврди дека може да се заколне во тоа што го говори.
„Прво, како спортист би сакал да и ја честитам победата на Шкендија, второ, сакам да кажам дека првиот гол го реши натпреварот, а тој не беше регуларен. Трето, сакам да порачам дека цела јавност и сите од ФФМ треба да превземат нешто, затоа што ова што се случува во Македонија е жално“ вели Гачевски.
„За голот можам да кажам дека сум 100% сигурен дека топката не ја мина гол линијата, и можам да се заколнам во тоа. Мора да се реагира затоа што тој момент го одлучи победникот, а може да влијае и на целото првенство“ додава тој.
Гачевски по мечот морал и сам да се увери во снимките, а откако ги проследил истите, утврдил дека судијата што ја донел конечната одлука во таа ситуација не бил онаму каде што е потребно за да увиди дали голот е регуларен.
„По натпреварот видов дека тој судија што ја донесе одлуката, не ни бил таму каде што треба за да види дали топката ја мина гол линијата, беше сигурен, тврдеше дека е гол. Од каде таа сигурност кога го нема таму каде што треба да биде. Другиот судија, пак, гледа на друга страна, навистина жално и срамно“ заклучи вардаровиот голман во изјавата за официјалниот клупски сајт.
Спорниот момент од големото дерби во нашето првенство погледнете го - ТУКА.
Фото-вест: fkvardar.mk (архива)