Категорија: Шпанија 21.04.2019 17:12
Поранешната ѕвезда на Реал Мадрид, Кларенс Сидорф верува дека Зинедин Зидан мора да внесе глад во својот состав за победи, како во претходниот период кога францускиот стратег ги предводеше Кралевите од клупата.
Зидан ќе се задоволи со сезона без трофеј, меѓутоа нема дилеми дека ќе има одврзани раце од клубот во летниот преоден рок, и правење на нов, силен состав на Кралевите со кој ќе се обиде да се врати на победничките патеки.
„Разбирлива беше одлуката на клубот да го врати Зидан“ рече Холанѓанецот во изјава за Дејли Мејл.
„Оваа сезона е доста тешка за нив, комплицирана, но, најважно во овие моменти е менталната подготовка, како и создавање глад за победи во иднина“ додаде Сидорф.
„Тој има одлично разбирање на фудбалерите, играта, како и се’ околу играта, да се менаџираат останати аспекти во клубот секако ќе биде предизвик, но, тој веќе има големо искуство“ заклучи Холанѓанецот.